Unfair ka♀♂

(nagkasalubong)

Uy!

(tumalikod. huminto. lumingon.)
Ako?

(tumango)
Oo ikaw!

Bakit?

Pwede ba tayong mag-usap?

Ano naman pag-uusapan natin?

Wala lang, usap lang tayo?

Gusto mo akong makausap, pero wala naman palang pag-uusapan?! Ano un?... Ge! Bye!
(tumalikod. naglakad.)

(napasigaw)
Sandali lang...

(huminto. humarap.)
O ano?

Iniiwasan mo ba ako?

(nagulat)
Ha?!

E para kasing iniiwasan mo ako e.

Hindi a. Bakit naman kita iiwasan?

Ewan ko sa iyo.

(nanahimik)

O sige alis na ako. May pupuntahan pa ako e.

O tingnan mo.

Ano? Nagmamadali lang talaga ako.

E bakit ka naman nagmamadali?

Bakit mo naman tinatanong?

E bakit ako, nagmamadali rin naman a.

O e iyon naman pala!

Nagmamadaling kausapin ka!

Ha?! O bakit ka naman nagmamadaling kausapin ako?

Hindi pala ako ang nagmamadali.

E ang gulo mo namang kausap! Sabi mo kanina nagmamadali kang kausapin ako, tapos ngayon... Hay! Ang gulo mo!... So hindi ikaw?

Oo, hindi nga ako.

O sino?

Gusto mong malaman kung sino?

Sino nga? O bakit ka ganyan kung makatingin? Ok ka lang ba?

Oo ok pa naman ako. Pero merong hindi ok.

(tumingin)
Sino naman?

Yung nagmamadaling kausapin ka.

Sino nga iyon?

O, wag kang magmadali, malalaman mo rin.

Bahala ka na nga. Alis na ako.
(tatalikod na sana.)

Teka lang! Heto na kakausapin ka na nya.

So asan sya?

Sandali lang. Kumukuha lang ng tiempo.

(nainis na.)
Sabihin mo sa kanya nagmamadali talaga ako, kailangan ko nang umalis.

Nandito na sya.

(tumingin)
O, asan? Asan sya?

Hmmm...
(tinitigan)

Huwag ka ngang tumingin sa akin ng ganyan.

Bakit naman?

Wala lang. Para kasing..

Parang ano?

Hay, wala.

Wala naman pala e. So, pwede na ba?

Hay, ewan ko sa iyo! Alis na talaga ako. Bye!
(tumalikod. naglakad. at naglakad.)

(sumigaw.)
Sandali lang!
Ikaw a!
Lagi ka namang ganyan!
Lagi ka namang umiiwas!
Kung iiwasan mo naman ako, pwede bang mag-request?
Pwede ba iyong hindi halata?
Alam mo ba kung bakit?
Na..
Na..
Nasasaktan ako!
O siguro di mo alam iyon no?!
Gusto mo sabihin ko sa iyo ngayon kung saan ako pupunta.. Saan ako dadaan bukas? Para di ka na mahirapan umiwas pa sa akin.
O sige para mas madali sa iyo, wag nalang ako lalamabas bukas!
Nanahimik ka na naman.
Ganyan ka naman lagi e.
Sabihin mo nga. Ano bang ginawa ko? May sinabi ba akong ikinagalit mo?
O may nagawa ba akong masama sa iyo?
Para matapos na, suntukin mo nalang ako! Tadyakin!
Sipain!
Alam mo na siguro kung bakit kita gustong kausapin no?
Alam mo na rin siguro kung sino nagmamadali?
Oo, hindi ako dahil ang puso ko ang nagmamadali,
nagmamadaling kausapin ka!
Suntukin mo na nga ako!
Suntukin para maknockout na ako!
Ayaw din kasing maknockout nitong damdamin ko. Ang damdamin ko para sa iyo!

Kaya siguro nasa loob ang puso, kasi kung nasa labas lang, dati ko pa sinuntok!
Baka sakaling maknockout na sa kakasabing..
Mahal kita!

O yan! Wala ka na namang reaksyon.
Gusto mo ulitin ko pa?
Oo mahal kita! Mahal kita!
Mahal na mahal!

O narinig mo na.
As usual.
Wala ding reaksyon.
Hindi mo ba napapansin iyon?
O sadyang binabalewala mo lang?

Ewan ko ba!
Nagtaka nga rin ako!
Di ko namalayan, mahal na pala kita.
At bakit ikaw.
Bakit ikaw pa!

Sigurado, ngayong narinig mo na, lalo mo na akong iiwasan.
Ok lang.
Ganun din naman mangyayari e.
Sabihin at hindi ko sasabihin, ganun din mangyayari.
Nakukulitan na kasi ako dito e. Gusto ka talagang kausapin.
Iniiwasan mo naman.

Meron kayang sleeping pills para sa puso lang?
Kasi, ayaw matulog nitong nararamdaman ko para sa iyo.
Kahit tulog na tulog na ako, gising na gising parin ang puso sa kakasigaw na,
mahal kita ng todo!

Ewan ko ba, kahit ayaw ko, pumapasok ka pa rin sa puso ko.
At sa pagpasok mo, hindi ko maintindihan ang sarili ko.
Kasabay kasi ng pagpasok mo, sumasaya ako.. At kasabay rin nito, nasasaktan din ako!

Sa iyo ba, kahit minsan ba, pinapasok mo ako dyan sa puso mo?
Ni minsan ba, pinadaan o pinasilip man lang?
No ID No entry ba dyan sa puso mo?!
Pahiram naman ng isa o, kahit temporary ID lang.
Isang beses lang o, masaya na ako. (broom)
Sasaya na ulit itong puso ko.
(nanahimik.)

(broom!)

Ok ka lang ba dyan?
At bakit ka pala dyan huminto? (broooom!!)
Tumabi ka nga dyan!
Tabi!
Tabi!!!
Tabi!!!! (brooooom!!!)

(bangga! tumilapon! wapak!!!)
(sumigaw!)
Hindi!!!
(tumakbo. lumapit. niyakap.)
Waaaaah! Yan ang mahirap sa iyo! Unfair ka! Ako iniiwasan mo, buti pang kotseng dumaan hindi!!!
Unfair ka! Unfair!

(nakahiga. duguan. walang malay. may hawak na sulat.)

(umiiyak. napansin ang hawak na sulat. binasa.)

---to be continued(joke!...hehe)